Вчерашниот ден 21 јуни недела, кога официјално и календарски ни започна летото, во Македонија е измерена највисоката максимална температура на воздухот досега годинава, и тоа во Велес каде вчера до 17 часот се измерени 37 степени.

Во попладневните часови вчера особено во планинските предели имаше развој на локална нестабилност проследена со пороен дожд, грмежи, засилен ветер а имаше  и локална појава на град.

Слични температури ќе имаме  и денес  и тие ќе се искачуваат во интервалот од 28 до 36 степени, а во Скопје и околината максималната температура ќе се искачи до околу 35 степени.