Денес, 21 јуни календарски ни почнува летото, најтоплиот дел од годината
Иако метеоролошкото лето започна на 1 јуни, календарски летото оваа година пристигнува на 21 јуни, односно во недела. Ова годишно време ќе трае до 22 септември, кога ќе започне есента.
Летото е најтоплиот период од годината и се одликува со најдолги денови и најкратки ноќи. Почетокот на летото е поврзан со летната краткоденица, а 21 јуни е денот со најмногу сончеви часови во текот на годината на Северната хемисфера.
По овој датум деновите постепено почнуваат да се скратуваат, додека ноќите стануваат подолги, иако високите летни температури продолжуваат и во текот на јули и август.
Додека на Северната хемисфера започнува летото, на Јужната хемисфера настапува зимата. Оваа спротивност е резултат на наклонот на Земјината оска и нејзиното движење околу Сонцето.
Летото традиционално е период на годишни одмори, патувања, престој на отворено и високи температури.
Занимливости
Жешко време имаме уште од утрово во Македонија. Времето е насекаде ведро и сончево а најтопло во овие моменти е на Скопје Петровец со измерени 25 степени. Немаше некој изразен ветер ова утро во Македонија. На метеоролошката карта можете да ги видите измерените температури ова утро во Македонија. Да напоменам дека температурите забрзано растат во Македонија од час во [...]
by 