Денешниот ден беше топол и со пријатни летни температури на воздухот. Попладнево како што веќе кажав во централните предели од Македонија беше нестабилно со пороен дожд, грмежи и со засилен ветер. Во Неготино имаше појава на невреме проследено со обилен пороен дожд, силен ветер, електрични празнења  и со појава на град. Нестабилноста беше со правец на движење од запад према исток.

Најтопло денес до 17 часот попладнево беше во Кавадарци и во Велес каде максималната температура достигна до 32 степени. Најмногу дожд пак во изминатите 9 часа до 17 часот попладнево наврна во Штип и тоа 4 литри на метар квадратен дожд.

На табелата која попладнево ја објави УХМР можете да ги видите максималните дневни температури измерени за денес Среда 3 Јуни 2026 до 17 часот попладнево по градови и места во Македонија, како и наврнатото количество на дожд во литри на метар квадратен во изминатите 9 часа, исто така до 17 часот попладнево, и тоа на мерните станици на УХМР.