Денешниот ден Понеделник 1 Јуни 2026 во Македонија беше вистински летен со вистински летни максимални дсневни температури на воздухот. Најтопло попладнево до 17 часот беше во Велес каде се измерени максимални 34 степени. Сепак, попладнево особено во централните предели од Македонија беше нестабилно со пороен дожд, грмежи, силен ветер а локално особено во планинските предели беше регистрирана  и појава на град.

Професорот по Метеорологија Д-Р Владо Спиридонов објави дека алатката НОТАС 14 часови однапред ја предвиде нестабилноста во централните предели од Македонија на ден Понеделник 1 Јуни 2026.

На табелата која попладнево ја објави УХМР можете да ги видите измерените максимални дневни температури на воздухот по градови и места во Македонија до 17 часот попладнево, како и наврнатото количество на дожд во литри на метар квадратен во изминатите 9 часа исто така до 17 часот попладнево по градови и места во Македонија, и тоа на мерните станици на УХМР.