Под влијание на циклонска активност која од Џеновскиот залив ќе се преместува над Македонија, во текот на ноќта среда кон четврток и во четврток на 4 Јуни 2026 времето ќе биде променливо облачно и нестабилно на повеќе места со пороен дожд, грмежи и засилен ветер. Локално ќе има поинтензивни атмосферски процеси во форма на невреме, проследено со обилен пороен дожд (над 20 литри на метар квадратен) силен ветер, електрични празнења  и со услови за локална појава на град.

Во Скопје  и околината во погоре споменатиот период исто така времето ќе биде променливо облачно и нестабилно со пороен дожд, грмежи и со засилен ветер. Во делови од котлината ќе има услови за појава на невреме, проследено со обилен  пороен дожд, силен ветер, електрични празнења  и со услови за појава на град.

Што се однесува до температурите, тие ќе опаднат  и ќе биде посвежо во четврток на 4 Јуни и тоа поради продор на посвеж воздух од северозапад. Максималните дневни температури на воздухот во Македонија во четврток на 4 Јуни 2026 ќе се искачуваат во интервалот од 21 до 28 степени, а во Скопје  и околината максималната температура во четврток на 4 Јуни 2026 ќе се искачи до околу 26 степени.