Под влијание на фронтална долина со намален воздушен притисок, но и со поладен воздух на висина, утре (среда) а особено за викендот во нашата Република Македонија на многу места ќе се развиваат конвективни грмотевични облаци од кои очекувам честа појава на поројни врнежи од дожд, грмежи и засилен ветер во зоната на нестабилност.

Локално атмосферските процеси ќе бидат поинтензивни и во форма на невреме, проследено со пообилен пороен дожд за кратко време, силен ветер, електрични празнења  и со појава на град.

И во Скопскиот регион ќе има појава на повремен локален пороен дожд, грмежи, засилен ветер  и со услови за појава на невреме во делови од котлината, особено за време на викендот.

Што се однесува до температурите, нивно повторно опаѓање очекувам за време на викендот.