Денешниот ден Вторник 19 Мај 2026 во Македонија ни донесе облачно, свежо и врнежливо време во поголем дел од Македонија со повремено обилни и поројни врнежи од дожд проследени со ретки грмежи како и со засилен ветер од северен правец. Особено обилни и поројни врнежи имаше во западните  и во југозападните предели од Македонија. Сето ова беше поради влијанието на циклонската активност која се наоѓаше над нашиот дел од Европскиот Континент и токму оваа циклонска активност услови формирање на влажна  и на нестабилна воздушна маса која ги донесе денешните врнежи во Македонија.

Најмногу дожд во изминатите 9 часа до 17 часот попладнево наврна во Крушево и тоа 20 литри на метар квадратен дожд.

На табелата која попладнево ја објави УХМР можете да ги видите денешните максимални температури на воздухот измерени по градови и места во Македонија до 17 часот попладнево како и наврнатото количество на дожд во литри на метар квадратен во изминатите 9 часа, исто така до 17 часот попладнево и тоа на мерните станици на УХМР.