Утре кај нас во Македонија очекуваме краткотрајна стабилизација на времето, иако ќе се задржи променливо облачно со сончеви периоди.  Ќе дува слаб до умерен ветер од јужен и од југоисточен правец.

Сепак и покрај ова, во попладневните часови не се исклучува можноста за изолирана нестабилност, проследена со краткотраен пороен дожд, грмежи, засилен ветер и услови за појава на град. Утре преку ден температурите ќе се искачуваат во интервалот од 21 до 28 степени.

Од сабота веќе, и тоа кон крајот на денот  и во текот на ноќта кон недела, влегуваме во нов период на многу нестабилно време со честа појава на пороен дожд, грмежи, силен ветер и невреме.