Денешното утро 1 Мај 2026 петок во поширокиот дел од Балканот е исклучително и невообичаено ладно за овој период од годината. Исто така исклучително ладно ова утро е  и во Македонија. Инаку, територијата на целиот Балкан како и на Македонија се наоѓа под влијание на многу ладна воздушна маса која се спушта директно од Арктикот кон нашиот дел од Европскиот Континент.

Ова утро во најголем дел од Балканот времето е ведро и со појава на утрински мразеви а сеуште умерена локална облачност има кај нас во Македонија. Повремено дува засилен ветер од северен правец.

На високите планински места во Македонија како што е Голем Кораб  и Титов Врв температурата ова утро се спушти дури до – 9 степеи.

Крушево ова утро мери температура од -2 степени, Маврово и Берово ова утро мерат -1 степен. Инаку во најголем дел од Македонија како што можете да видите на метеоролошката карта ова утро температурите се близу 0 степени а на повеќето места, особено оние повисоки населени места  и на планините има појава на утрински мразеви.

Во поширокиот дел од Балканот како што кажав  и претходно ова утро имаме минусни температури и појава на утрински мразеви кој особено изразени се на високите места  и на планините каде во Горски Котар во Хрватска температурите ова утро се спуштија до околу па  и под -5 степени. На високите планински места пак во Босна температурата ова утро исто така се спушти до -9 степени.

На Кредарица пак во Словенија температурата ова утро се спушти до -7 степени.