Денешниот ден во Македонија 3-ти март 2026 година вторник беше натпросечно топол и сув со појава на мала до умерена локална облачност. Дуваше слаб ветер од променлив правец. Инаку територијата на Македонија периодов се наоѓа во поле на висок воздушен притисок (Антициклон) и на релативно топла воздушна маса од југ која условува релативно високи температури на воздухот за овој период од годината.

Темпеатурите на многу места денес во Македонија надминаа 15 степени а во Гевгелија денес максималната температура до 16 часот се искачи дури до 21 степен.

На табелата која попладнево ја објави УХМР можете да ги видите максималните дневни температури на воздухот измерени попладнево до 16 часот по градови и места во Македонија  и тоа на мерните станици на УХМР.