За време на овој викенд, како и во првите денови од следната седмица, под влијание на студена воздушна маса од север температурите повторно ќе бележат тенденција на значително опаѓање и наутро ќе се спуштаат во интервалот од -10 до -2 степени, но тие понекаде ќе се спуштат  и под -10 степени, особено во првите денови од следната седмица.

Сето ова ќе биде проследено со засилен ветер од северен правец, кој ќе биде најизразен Долж Повардарието и во источните предели од државава каде повремено ќе достигнува брзина од над 60 км/час. 

Времето ќе биде променливо облачно со сончеви периоди, а локално ќе провејува и слаб снег.

Максималните дневни температури пак ќе се искачуваат во интервалот од -1 до 8 степени. Во Скопје и околината ќе имаме слично време, променливо облачно и студено со сончеви периоди и со засилен ветер од северен правец.  Наутро температурите ќе се спуштаат во интервалот помеѓу -5 и 0 степени, а максималната температура ќе се искачи до околу 7 степени.

• До самиот крај на овој, како и во почетокот од следниот месец некои нови обилни врнежи од снег не се очекуваат.

За нови, детални и по потреба обновени метео информации, следете го официјалниот фејсбук профил на Славчо Попоски тука!

Можете да ме следете и на инстаграм slavchopoposki!