Во текот на следните часови од север кон Македонија се очекува брз продор на влажна и студена воздушна маса од север која ќе услови локални врнежи од дожд на ниските места (градовите), додека на повисоките места и на планините ќе врне снег и снежната покривка таму ќе се зголеми.

Снежната граница ќе се спушти до околу 1000 метри надморска височина, а во западните  и во северните предели таа би можела да се спушти и под 1000 метри, со што провејување на снег ќе има и во повисоките населени места.  Ќе започне да дува умерен, повремено засилен ветер од западен и од северозападен правец.

Во Скопје  и околината исто така се очекува повремен дожд, а на околните повисоки места и планини ќе врне снег. Ќе започне да дува умерен, повремено засилен ветер од северозападен правец.

За време на викендот ќе имаме повторно стабилизирање на времето и повеќе сончеви периоди, а по одделни котлини и речни долини повторно ќе се создаваат услови за појава на магла и на ниска облачност.

НАПОМЕНА: Ветерот кој се очекува од следните часови да започне во Македонија ќе допринесе за расчистуање на воздухот во загадените места и градови низ Македонија.

Што се однесува до температурите, минималните во следниот период ќе се спуштаат во интервалот од -4 до 3 степени, а максималните дневни температури ќе се искачуваат во интервалот од 6 до 13 степени. Поради продорот на постуден воздух од север, пониски температури преку ден ќе имаме утре и тие ќе се искачуваат во интервалот само од 1 до 9 степени.

• За нови, детални и по потреба обновени метео информации, следете го официјалниот фејсбук профил на Славчо Попоски тука!
• Можете да ме следете и на инстаграм slavchopoposki!