Силен земјотрес од речиси 5 степени по Рихтер ја стресе Македонија
Силен потрес вечерва се почувствува во Скопје, а според првичните податоци кои ги бележат сеизмолошките страници на интернет, јачината била од 4,3 до 4,9 степени по рихтеровата скала.
Епицентарот, според овие информации, е на 15-тина километри северно од Тетово, во општината Теарце. Жителите на градот и околината велат дека таму земјотресот се почувствувал како многу силно тресење кое предизвикало предмети да паѓаат од полици и траело десетина секунди.
На социјалните мрежи граѓаните пријавуваат дека го почувствувале силниот потрес во 22 часот и 6 минути. Во повеќе делови од Скопје граѓаните вознемирени излегоа на улиците, а тресењето било особено изразено на повисоките катови од зградите. Според сведоштвата, земјотресот е почувствуван во цела западна и централна Македонија.
Се очекуваат официјални податоци од Сеизмолошката опсерваторија за земјотресот.
Занимливости
Жешко време имаме уште од утрово во Македонија. Времето е насекаде ведро и сончево а најтопло во овие моменти е на Скопје Петровец со измерени 25 степени. Немаше некој изразен ветер ова утро во Македонија. На метеоролошката карта можете да ги видите измерените температури ова утро во Македонија. Да напоменам дека температурите забрзано растат во Македонија од час во [...]
by 