Под влијание на почеток на циклонска активност со центар западно и северозападно од нас, односно некаде над Џенова но и на ладна воздушна маса која ни е присутна од север во петок (2 Јануари) особено во западните предели ќе имаме врнежи од дожд и од снег на пониските места (градовите) додека на повисоките населени места и на планините ќе има врнежи само од снег и таму ќе се формира снежна покривка од над 15 сантиметри. Повремено врнежи од влажен снег ќе има  и во дел од градовите во западните предели во петок на 2 Јануари.

Повремени врнежи од дожд или од дожд и од снег ќе има и во Скопје  и околината во петок на 2 Јануари.

Ќе дува умерен повремено засилен ветер од јужен и од југозападен правец.

Наутро температурите во петок на 2 Јануари во Македонија ќе се спуштаат во интервалот од -10 до -3 степени а на повисоките населени места  и на планините температурата повторно може да се спушти и под -10 степени. Во Скопје  и околината во петок на 2 Јануари наутро температурата ќе се спушти до околу -5/-6 степени. Максималните дневни температури пак ќе се искачуваат во интервалот од -1 до 7 степени а во Скопје  и околината таа ќе се искачи до околу 3/4 степени.