Стапката на промена на температурата во водите на Атлантскиот Океан во јуни и јули беше изненадувачка.

Делот од океанот околу Екваторот веќе неколку месеци летово се лади со голема брзина. Сега се загрева и се враќа на нормална температура, но научниците се уште се збунети од драматичното ладење, пренесува РТС.

Невообичаено заладување долж Екваторот, неколку степени северно и југ, започна на почетокот на јуни, по најдолгата серија на затоплување на океаните во последните 40 години.

„И покрај фактот што температурата на тој дел од океанот често варира, од студена во топла фаза на секои неколку години, брзината со која температурата овојпат отиде од рекордно на рекордно ниско ниво е навистина без преседан“, рече Франц Тукен, истражувач постдокторанд на Универзитетот во Флорида во Мајами, кој го следеше настанот.

Мајкл Мекфејден, научник од американската Национална управа за океани и атмосфера, истакнува дека научниците се уште се збунети бидејќи не знаат што навистина се случува.