Под влијание на Антициклон и на стабилна, сува  и топла воздушна маса од југ, односно од Африка и во следните денови во нашата Република Македонија времето ќе биде сончево со појава на умерена локална облачност и со натпросечно високи температури на воздухот за овој период од годината. Повремено ќе дува слаб до умерен ветер од променлив правец  и тој повремено ќе засилува на интензитет.

Исто така, повремено ќе има малку повеќе облачност и ќе има услови за изолирана појава на краткотраен дожд и ретки грмежи.

И во Скопје  и околината во следните денови ќе имаме стабилно, суво и натпросечно топло време.

Што се однесува до температурите, тие преку ден во повеќето градови ќе надминуваат 30 степени, а во југоисточните предели како и во Повардарието тие локално ќе се искачат до, па  и ќе надминуваат 35 степени. И во Скопје  и околината во следните денови температурата преку ден ќе надминува 30 степени.