Во четврток (29 мај) во попладневните и во раните вечерни часови како резултат на плитка фронтална долина, со ладен воздух на висина која ќе се спушти од север и од северозапад, на повеќе места во нашата Македонија ќе се развијат грмотевични  конвективни облачни јадра кои ќе условат поројни врнежи од дожд, грмежи и засилен ветер. Локално ќе има пообилен пороен дожд, со што за кратко време можно е да наврне поголемо количество на воден талог.

И во делови од Скопскиот регион во четврток (29 мај) во попладневните  и во раните вечерни часови ќе има појава на пороен дожд, грмежи и засилен ветер.

Што се однесува до температурите, во четврток (29 мај) ќе имаме краткотраен пад на температурите на воздухот, и тие ќе се искачуваат во интервалот од 16 до 24 степени, а во Скопје  и околината таа ќе се искачи до околу 20 степени.

На следниот линк можете да ја следите алатката за рано предупредување од невреме НОТАС, и истата е од голема корист на секој граѓанин https://nothas.finki.ukim.mk/