Во моментов од северозапад, кон западните и југозападните предели од Македонија се спушта влажна и нестабилна воздушна маса која доцна попладнево и вечерва ќе услови локална појава на пороен дожд, грмежи и засилен ветер.

Еве го правецот на движење на нестабилноста:

Поради енеријата во Атмосферата, локално процесите можно е да бидат поинтензивни (во форма на невреме), проследено со интензивен пороен ожд, олуен ветер, силни и чести електрични празнења и со појава на град кој локално би можел да биде  и покрупен.

Апелираме во случај на појава на невреме и на електрични празнења, граѓаните да бидат крајно внимателни, и да не претстојуваат на отворен простор и под осамени дрвја. Да напоменеме дека локална нестабилност  е можна и во делови од Скопската котлина.

Температурите нема многу да се менуваат во споредба со сегашните, што значи дека топлиот Африкански бран продолжува и понатаму во следните денови, со тоа што утре ќе дува умерен до засилен ветер од северен и од североисточен правец, а атмосферата ќе биде многу постабилна за разлика од денес.

• За нови, детални и по потреба обновени метео информации, следете го официјалниот фејсбук профил на Славчо Попоски тука!
• Можете да ме следете и на инстаграм slavchopoposki!