Под влијание на циклонска активност која се наоѓа над нашиот дел од Европскиот Континент  и на голем влажен бран денес попладне  и навечер како и во текот на ноќта кон утрешниот ден (Четврток 8 Јануари) насекаде во Македонија ќе имаме врнежи од дожд кои на повеќе места ќе бидат обилни и поројни и проследени со локална појава на грмежи и со силен ветер од јужен правец (Повремено и локално со брзина од на 60 км/час). Локално ќе наврне ново значително количество на воден талог (над 40 литри на метар квадратен воден талог).

Поради продор на ладен воздух од север вечерва и ноќва врнежите од снег  и снежната покривка на планините ќе се зголемува  и проширува а снежната граница ќе се спушта па така врнежи од снег ќе имаме  и во повисоките населени места со надморска височина до околу 1000 метри, а понатамошто постојано спуштање на снежната граница ќе имаме од утре (Четврток 8 Јануари) од утринските часови па натаму кога снег ќе има во повеќе делови од Македонија.

Во Скопје  и околината исто така очекувам врнежи од дожд повремено пообилни и поројни и проследени со засилен јужен ветер  и со услови за појава на ретки грмежи. Ноќва на околните планини ќе има  и врнежи од снег а до утре изутрина провејување на снег може да има  и во делови од Скопската котлина, особено во повисоките предели од котлината.

Што се однесува до температурите тие денес ќе се искачуваат во интервалот од 8 до 15 степени, меѓутоа од вечерва а особено од ноќва тие значително и брзо ќе опаѓаат.