КРАТКА МЕТЕО НАЈАВА: Во текот на претстојната ноќ врнеживо, локално и нестабилно со грмежи – Ќе дува и силен јужен ветер (над 60 км/час)

објавено на:

27 Мар 2024

од:

сподели:

Во текот на претстојната ноќ над територијата на Македонија и тоа од запад, ќе помине еден поголем влажен бран кој ќе донесе нови врнежи од дожд. Сето ова ќе биде проследено и со засилен, повремено силен ветер од јужен и од југозападен правец (повремено со брзина од над 60 км/час) и истиот ќе продолжи и во текот на утрешниот ден.

Локално пак ќе биде  и нестабилно со пороен дожд, грмежи и силен јужен ветер (локално во форма на невреме, а можна е и ретка појава на град).

Во Скопје  и околината исто така ќе има врнежи од дожд, проследени со засилен, до повремено силен јужен ветер (во делови од котлината ветерот би можел да достигнува брзина и од над 60 км/час).

Сепак температурите остануваат високи.

Поради изразеното јужно и југозападно воздушно струење, од Сахара кон нашата територија веќе се врши транспорт на прашина и на песок, со што и Атмосферата е многу заматена. Дождот кој го очекуваме во текот на претстојната ноќ ќе биде валкан и помешан со истата.

За нови или обновени метео информации, следи ме на социјалните медиуми.За нови или обновени метео информации, следи ме на социјалните медиуми.