Западна  и југозападна Европа овие денови, односно до крајот на неделава ги очекува многу потопло време со брз  и голем пораст на температурите на воздухот. Особено на удар ќе биде југозападна Европа а тоа значи дека ја очекува првиот поголем топол бран за оваа сезона. Деновиве, односно до крајот на неделава во Шпанија  и во Португалија ќе се мерат многу високи летни температури на воздухот каде на многу места тие ќе надминуваат 30/35 степени, а локално температурите ќе се искачат дури до близу 40 степени.

На метеоролошката карта можете да ги видите очекуваните температури кои се очекуваат во југозападна Европа, односно во Шпанија  и во Португалија следните денови.

Инаку да напоменам дека изминатиот подолг период речиси цела Европа се соочуваше со невообичаено ладно време за месец Мај со чести врнежи, грмежи, ниски температури, силни ветрови и врнежи од снег на планините  и во Алпскиот регион.