Територијата на Македонија во текот на целата оваа седмица, односно во периодот од 18/24 Мај 2026 ќе се наоѓа под влијание на циклонска активност која ќе се наоѓа југоисточно од нас. Во ваква ситуација и оваа седмица ќе имаме многу променливо и нестабилно време со сончеви периоди. Повремено ќе има честа појава на локален пороен дожд, грмежи и со засилен ветер од северен правец.

Локално атмосферските процеси повторно можно е да бидат поинтензивни и во форма на невреме проследено со обилен пороен дожд (над 20 литри на метар квадратен) силен северен ветер (до 60 км/час) електрични празнења  и со услови за појава на град.

И во Скопје  и околината во текот на целата оваа седмица, односно во периодот од 18/24 Мај 2026 времето ќе биде променливо и многу нестабилно со сончеви периоди. Повремено ќе има појава на пороен дожд, грмежи, засилен ветер од северен правец   и со услови за појава на невреме во делови од котлината.

Температурите и понатаму ќе ни бидат под просекот за овој период од годината и тие ќе се искачуваат во интервалот од 19 до 27 степени а пониски температури ќе имаме утре Вторник 19 Мај 2026 кога тие преку денот ќе се искачуваат во интервалот од 15 до 23 степени. Во Скопје и околината температурата во текот на оваа седмица ќе се искачува во интервалот помеѓу 20 и 26 степени.