По исклучително ладното време за овој период од годината со ниски температури и појава на утрински мразеви, веќе во текот на следната седмица, односно во периодот од 4 Мај 2026 (Понеделник) до 10 Мај 2026 (Недела) во Македонија ќе имаме значително повисоки температури на воздухот и тие ќе бидат вистински пролетни и во пораст како утринските, така и максималните дневни температури на воздухот.

Во понеделник и во вторник (4/5 Мај 2026) ќе имаме многу сонце   и стабилно време со слаб ветер а температурите преку ден ќе бележат тенденција на брз и на голем пораст и во поголем дел од Македонија тие ќе се искачуваат до околу или ќе надминуваат 20 степени.

Веќе од 6 Мај 2026 (среда) па во деновите потоа атмосферата над Македонија полека ќе се дестабилизира а особено нестабилни атмосферски процеси ќе имаме околу 7 и 8 Мај 2026 (четврток и петок) кога на повеќе места ќе се развиваат конвективни грмотевични облачни јадра од кои очекувам појава на поројни врнежи од дожд, грмежи, засилен ветер  и услови за појава на локално невреме.

Да напоменам декас само во текот на следната седмица особено во Повардарието и во југоисточните предели температурите полека ќе надминуваат  и 25 степени. Исто така, во текот на следната седмица  како што претходно кажав и наутро ќе биде значително потопло и не очекувам појава на мразеви што значи дека во текот на следната седмица повеќе нема да имаме појава на минусни температури на воздухот.