Под влијание на атмосферсаки форнт од север  и од северозапад но и на влажна  и на нестабилна воздушна маса, во недела (14 септември) во попладневните  и во вечерните часови како и во текот на ноќта кон понеделник и во понеделник особено претпладнето во Македонија времето ќе биде променливо облачно и нестабилно на повеќе места со повремен пороен дожд, грмежи и засилен ветер.

Локално атмосферските процеси ќе бидат поинтензивни и во форма на невреме проследено со обилен пороен дожд за кратко време (над 25 литри на метар квадратен дожд) силен ветер (над 60 км/час) електрични празнења  и со услови за локална појава на град.

И во Скопје  и околината во погоре споменатиот период времето ќе биде променливо облачно и нестабилно со повремен пороен дожд, грмежи и засилен ветер. Во делови од котлината ќе има услови и за појава на невреме.

Што се однесува до температурите, тие ќе се искачуваат во интервалот од 24 до 32 степени. Во Скопје и околината температурата ќе се искачува до околу 30 степени.