Во текот на денешниот ден (недела 31 август) во нашата Република Македонија ќе имаме постепена стабилизација на времето и намалување на облачноста. Сепак, ќе биде значително посвежо за разлика од изминатите денови и тоа поради продорот на значително посвежа воздушна маса која продира од север. Сето ова ќе биде проследено со умерен, повремено засилен ветер од западен и од северозападен правец.

Во Скопје  и околината исто така следува стабилизирање на времето и намалување на облачноста. Ќе дува умерен, повремено засилен ветер од северозападен правец.

Што се однесува до температурите, тие денес ќе се искачуваат во интервалот од 23 до 31 степен, а во Скопје  и околината максималната дневна температура денес ќе се искачи до околу 28 степени.

Утрешното утро (понеделник 1 септември) ќе биде ведро и значително посвежо насекаде во нашата Македонија  и со минимални температури кои ќе се спуштаат во интервалот од 7 до 18 степени, додека на високите и планинските места температурите би можеле да бидат и уште пониски.  Во Скопје  и околината утре (понеделник 1 септември) наутро температурата ќе се спушти до околу 15 степени.

Да напоменам дека утре (понеделник 1 септември) ни започнува  и климатолошката есен.