Денешното утро во Македонија беше исклучително ладно, па така до 7 часот утринава најладно беше во Берово со измерени -9 степени, а највисока минимална температура во исто време беше измерено во Охрид, и тоа 1 степен над нулата  и тоа поради облачноста која се задржа во овој дел од Македонија.

Во продолжение на табелата можете да ги погледнете  и останатите температури измерени по градови и места низ Македонија до 7 часот утринава, и тоа на мерните станици на УХМР.

На втората табела можете да ги погледнете температурите измерени по градови и места низ Македонија до 10 часот претпладнево, и тоа исто така на мерните станици на УХМР.

Инаку, утринава до 7 часот снежната покривка на Скијачките центри изнесуваше висина од 54 сантиметри на Попова Шапка, 48 сантиметри во Маврово и 31 сантиметар во Крушево.

До крајот на неделава и тоа поради разведрувањето, насекаде наутро ќе биде многу ладно со минимални температури кои насекаде ќе се спуштаат под нулата, а на повеќе места тие ќе се спуштаат  и под -5 степени, односно до близу -10 степени. А во делови од Македонија, особено во Беровскиот регион ,како и на повисоките места, планините, вклучувајќи ги и Скијачките центри температурите ќе се спуштаат  и под -10 степени.

Преку ден пак температурите ќе бидат во пораст и насекаде ќе бидат над нулата. Сепак, по котлините повторно ќе се создаваат услови за појава на магла  и на ниска облачност, која ќе услови во овие места  и пониски температури на воздухот и преку ден.