Под влијание на висок воздушен притисок (Антициклон) кој се протега од југ за време на викендов времето во Македонија ќе биде стабилно, суво и сончево со мала локална облачност. Ќе дува слаб ветер претежно од северен правец. Наутро и во ноќните часови по котлините ќе има појава на магла  и ниска облачност.

Во Скопје  и околината ќе имаме слично време викендов. Стабилно, суво и претежно сончево со слаб ветер од северен правец. Наутро и во ноќните часови во делови од котлината ќе има појава на магла  и на ниска облачност.

Што се однесува до температурите тие наутро на повеќе места ќе се спуштаат за неколку степени под нулата па така ќе има појава на слана  и на слаб мраз. Максималните дневни температури пак и понатаму ќе бидат над просекот за месец декември и ќе се искачуваат во интервалот од 7 до 14 степени. Во Скопје  и околината температурата наутро ќе се спушта за некој степен под нулата а преку ден таа ќе се искачува до околу или за неколку степени над 10 степени.