Денот Вторник 12 Мај 2026 во Македонија повторно ќе ни биде топол, многу мачен и спарен а во атмосферата над Македонија повторно ќе ни биде присутно поголемо количество на Сахарска прашина  и на песок па затоа  и атмосферата  и поматаму ќе ни биде многу заматена  и нечиста.

Времето ќе биде умерено облачно со сончеви периоди а ќе дува  и засилен до силен ветер од западен правец кој повремено и локално ќе достигнува брзина од над 75 км/час. Во попладневните часови локално ќе има развој на конвективни грмотевични облачни јадра од кои очекувам појава на пороен дожд, грмежи и силен западен ветер. Локално можни се поинтензивни атмосферски процеси и појава на невреме проследено со електрични празнења  и со услови за појава на град.

Во Скопје  и околината исто така денот Вторник 12 Мај 2026 ни носи умерено облачно време со сончеви периоди и со засилен до повремено силен ветер од западен правец. Во попладневните часови во делови од котлината ќе има услови за развој на нестабилност проследена со пороен дожд, грмежи и со силен западен ветер.

Температурите насекаде ќе надминуваат 20 степени додека на повеќето места во Македонија тие ќе надминат  и 25 степени, а во Повардарието и во југоисточните предели температурата ќе се искачи до околу 30 степени. И во Скопје  и околината максималната температура ќе се искачи близу 30 степени.