Утре (вторник) 2.7.2024 во регионот очекуваме есенски ден со значително потпросечни температури за почетокот на јули. Температурите во делови од Босна  и Херцеговина, Хрватска, соседна Србија  и Црна Гора и преку ден ќе останат до околу, па дури и под 15 степени.

Сето ова ќе биде проследено и со обилни врнежи од дожд на многу места во регионот, силен северен ветер, појава на грмежи и локални временски непогоди. Овој бран утре попладне  и навечер ќе ја зафати и нашата Македонија и ќе донесе локално посилно невреме.

Невремето во Македонија утре попладне  и навечер ќе биде проследено со обилен пороен дожд, силен ветер, силни грмежи и електрични празнења и со појава на град кој би можел да биде и крупен. Токму поради ова препорачуваме голема претпазливост, односно во случај на појава на електрични празнења да не се претстојува на отворен простор  и под осамени дрвја. Исто така во случај на појава на силен ветер  и на крупен град автомобилите да се заштитат.