Синоќа се случи импресивна астрономска појава – целосно затемнување на Месечината, познато како „крвава месечина“. Ова беше најдолгото затемнување од 2022 година, кое траеше еден час и 22 минути.

Затемнувањето можеше да се следи од повеќе од 7 милиони луѓе во Европа, Австралија, Азија, Африка, како и делови од Хаваи, Алјаска и Бразил. Највозбудливата фаза на целосното затемнување траеше од 17:30 до 18:52 часот по ГМТ.

Феноменот се случува кога Земјата се наоѓа точно меѓу Сонцето и Месечината. Наместо да исчезне, Месечината добива црвенкаст сјај, затоа што долгите црвени бранови успеваат да поминат низ атмосферата, додека пократките сини бранови се расфрлаат – ист механизам што го бојадисува небото црвено при зајдисонце.

Следно астрономско изненадување ќе се случи на 21 септември, кога ќе биде видливо делумно затемнување на Сонцето. Овој пат појавата ќе биде видлива од Нов Зеланд, Антарктикот, неколку пацифички острови и тесен појас на источниот брег на Австралија.