За време на овој празничен викенд времето во нашата Република Македонија ќе биде стабилно, суво, сончево и топло со мала до умерена локална облачност. Денес (Велика сабота 19 април) особено во Повардарието, повремено ќе засилува ветерот од северен и од северозападен правец. Утре пак (Велигден 20 април) ќе биде претежно тивко, или со сосема слаб ветер од променлив правец.

И во Скопскиот регион за време на овој празничен викенд ќе имаме слично време како и во останатите предели од нашата Македонија, односно сончево и топло време со мала до умерена локална облачност. Денес (Велика сабота 19 април) повремено ќе засилува ветерот од северен и од северозападен правец.

Што се однсесува до температурите, тие речиси ќе бидат рано – летни и речиси насекаде ќе надминуваат 20 степени, на повеќе места тие ќе се искачуваат  и до околу 25 степени, додека во Повардарието тие се очекува да се искачат  и до близу 30 степени.

Нека ни е за многу години најголемиот Христијански празник Воскресение Христово (Велигден), и секако уживајте  и искористете го максимално преубавото стабилно, суво и претежно сончево време со рано – летни температури на воздухот.