Од утре (четврток 9 октомври па се до недела 12 октомври)  во нашата Република Македонија  и тоа под влијание на висок воздушен притисок (Антициклон) и на стабилна и сува воздушна маса времето ќе биде сончево со појава на мала до умерена локална облачност. Особено во Повардарието и во источните предели повремено ќе дува засилен ветер од северен правец.

И во Скопје  и околината следува период на стабилно и суво време со повеќе сончеви периоди. Повремено ќе дува засилен ветер од северен правец.

Наутро ќе биде ладно со температури кои ќе се спуштаат во интервалот од 2 до 10 степени а во Скопје  и околината минималната температура ќе се спушта до околу 8 степени. Преку ден ќе имаме мало затоплување на времето со максимални температури кои ќе се искачуваат во интервалот од 13 до 21 степен а во Скопје и околината максималната температура ќе се искачува до околу 20 степени.

Пред нас е период на стабилно и на суво време со повеќе сончеви периоди а преку ден ќе имаме  и мало затоплување на времето. Сепак, утрата ќе бидат ладни со што наутро ќе ни биде потребна  и топлата облека а ќе биде  потребно и греењето во домовите особено во вечерните  и во утринските часови.