Последната недела беше одбележана со изразено зимско време и чести промени на временските услови во поголем дел од регионот. Доминираа ниски температури, со студени утра и појава на мраз, додека дневните температури остануваа под или околу сезонскиот просек. Во повеќе наврати имаше врнежи од снег, особено во внатрешноста и на повисоките места, каде локално се задржа и снежна покривка. Во пониските предели врнежите повремено преминуваа во дожд или лапавица, во зависност од температурите.

Според моменталните атмосферски поставености, кон крајот на јануари, околу 30-ти, постојат услови за задржување и продлабочување на студен воздушен базен над југоисточна и источна Европа, кој ќе има директно влијание и врз Балканот.
Студениот воздух ќе овозможи врнежите главно да бидат од снег, не само на планините, туку и во пониските и рамничарските предели. Во ваква ситуација, снежна покривка е можна во повеќето места, со локални разлики во интензитетот и количините.

👉 Сепак, станува збор за подолгорочна најава, па деталите околу интензитетот, распределбата на врнежите и количествата на снег можат да претрпат промени во наредните денови. Затоа се препорачува редовно следење на најновите прогнози.