Последното ажурирање на прогностичките материјали и понатаму укажуваат на тоа дека од 17-ти март па во деновите потоа на Балканот и секако во Македонија доаѓа поладен и поврнежлив период. Ќе бидеме под влијание на значително поладен воздух од север кој значително ќе ги спушти температурите на воздухот. Ќе имаме  и почести и повремено пообилни врнежи.

Поради значителното заладување на планинските места врнежите ќе бидат од снег  и ќе се формира снежна покривка а заладувањето на времето ќе услови снежната граница да се спушти и под 1000 метри надморска височина па така можна појава на снег ќе има  и на местата со помала надморска височина, односно во населените места.

Се на се, зимата не го кажала последното збогум па токму ова значи дека задоцнети зимски бранови и понатаму ќе има на Балканот  и секако во Македонија.