Под влијание на многу топла воздушна маса која е со потекло од Африка, за време на викденов (сабота  и недела 7  и 8 јуни) во нашата Република Македонија ни следува максимумот на овој топлотен бран. Температурите ќе се искачуваат во интервалот од 29 до 37 степени. Во Скопје максималната температура ќе се искачи до околу 37 степени.

Викендов ќе дува слаб до умерен ветер од променлив правец, а времето ќе биде претежно стабилно, суво и сончево. Сепак, во попладневните часови ќе има услови за ретка појава на краткотраен дожд со ретки грмежи.

УВ ИНДЕКСОТ за време на викендов ќе биде многу висок и ќе изнесува коефициент 8.

Опаѓање на температурите на воздухот, како и слабеење на овој топол бран ќе имаме во текот на следната седмица.