По брзата и голема промена на времето која ја најавив за претстојната ноќ, кон утрешниот ден (сабота), викендов ќе имаме стабилно, суво и сончево време со мала до умерена локална облачност. Ќе биде претежно тивко, а наутро многу студено со минимални температури кои насекаде ќе се спуштаат под нулата, а во делови од Македонија, особено во оние повисоки населени места, планините и на Скијачките центри температурите ќе се спуштат до околу -10 степени.

По одделни котлини повторно ќе се создаваат услови за појава на магла  и на ниска облачност, особено во ноќните и во утринските часови.

И во Скопје и околината викендов ќе има многу повеќе сонце, а ќе биде  и претежно тивко. Во ниските делови од котлината ќе се создаваат услови за појава на магла  и на ниска облачност, особено во ноќните и во утринските часови.

Максималните дневни температури на воздухот во Македонија овој викенд, особено од недела ќе бидат во постепен пораст и ќе се искачуваат во интервалот од 6 до 10 степени, додека во југоисточните предели тие би можеле да се искачат и за некој степен над 10 степен. Во Скопје  и околината овој викенд наутро температурата ќе се спушта до околу -3 степени, максималната ќе се движи во интервалот помеѓу 6  и 7 степени.