Под влијание на значително посвежа воздушна маса од север, викендов (сабота  и недела 23/24 август) ќе имаме значително пониски температури на воздухот, особено наутро кога температурите ќе се спуштаат во интервалот од 8 до 18 степени, во Скопје овој викенд наутро температурата ќе се спушта до околу 14 степени. Максималните дневни температури на воздухот пак ќе се искачуваат во интервалот од 25 до 33 степени, а во Скопје  и околината температурата ќе се искачи до околу 30 степени.

Времето ќе биде сончево со мала до умерена локална облачност, а утре (сабота 23 август) во западните предели ќе биде променливо облачно и нестабилно со локална појава на пороен дожд, грмежи и засилен ветер. Особено долж Повардарието ќе дува повремено засилен ветер од северен правец.

Во Скопје викендов времето ќе биде претежно стабилно, суво и сончево со мала до умерена локална облачност. Повремено ќе дува засилен ветер од северен правец, особено утре (сабота 23 август).