Утринава во Македонија времето е ведро и значително студено со потпросечни температури на воздухот, па така во Берово до 8 часот е измерена температура дури од -4 степени.

На табелата можете да ги погледнете  и останатите температури измерени утринава до 8 часот, и тоа на мерните станици на УХМР.

Инаку денес останува стабилното и суво време, додека од утре (четврток )полека ќе потпаѓаме под влијание на циклонот кој е со центар над Џеновскиот залив, со ова исто така ќе потпаднеме и под влијание на јужно воздушно струење, па така утринските температури значително ќе се покачат, а повремено ќе дува засилен јужен ветер.

Утре (четврток) од запад облачноста ќе се зголемува и во западните предели ќе има повремен локален дожд кој од петок и за време на викендот ќе се прошири во поголем дел од Македонија и локално ќе биде пороен и проследен со грмежи, силен ветер, локално и во вид на невреме, па така е можна и појава на град.

Детална анализа околу оваа нова промена на времето очекувајте во следните мои метео објави.