Денешниот ден четврток (13 март) во нашата Република Македонија помина во знакот на постабилно и претежно суво време, особено од пладневните часови. Повремено дуваше силен ветер од јужен правец, додека температурите  и понатаму беа невообичаено високи за овој период од годината, па така најтопло денес беше на Скопје Петровец со измерена максимална дневна температура од 27 степени.

На Метеоролошката карта можете да ги погледнете денешните максимални дневни температури измерени низ Македонија.

Да напоменам дека  и денес од Сахара кон нашата Македонија се вршеше транспорт на прашина  и песок со што и Атмосферата беше позначително заматена, а времето беше мачно и спарно. Сето ова е поради ислното јужно и југозападно струење на висина.