Денешното утро во Македонија донесе значително пониски температури, и тоа поради што од север започнува да се спушта значително постудена воздушна маса, која во текот на денов врнежи од снег ќе донесе понекаде  и во градовите, особено во западните  и во северните предели од Македонија. Во Скопје снег ќе врне на околните планини, како и во повисоките делови од котлината.

Најниска температура од -6 степени ова утро до 7 часот е измерена на Попова Шапка, а во исто време од градовите најстудено е во Крушево со -1 степен. Највисока минимална температура ова утро до 7 часот е измерена во Гевгелија, и тоа 6 степени. На Попова Шапка снежната покривка изнесува 34 сантиметри, во Маврово 29 сантиметри и на Ѓуриште 7 сантиметри.

На табелата можете да ги погледнете  и останатите минимални температури измерени утринава до 7 часот по градови и места во Македонија, и тоа на мерните станици на УХМР.

Уште да напоменам дека до 7 часот утрово најмногу воден талог има наврнато во Пожаране, и тоа 28 литри на метар квадратен.