Од денес (17 февруари понеделник) до среда (19 февруари) особено во претпладневните часови под влијание на влажен и ладен воздушен бран од север на повеќе места низ нашата Република Македонија ќе има повремени врнежи со слаб до умерен, локално и со умерен интензитет и ќе бидат најпрвин од дожд во градовите, додека на повисоките населени места, планините, и секако, на Скијачките центри ќе врне снег, каде снежната покривка ќе се зголеми и прошири.

Врнежите од дожд, полека ќе преминуваат во слаби врнежи од снег и во дел од градовите, особено во западните  и во северните предели од нашата Република Македонија. Сето ова ќе биде проследено со северен ветер, кој повремено ќе засилува на интензитет, особено во Повардарието.

Во Скопје со овој ладен и влажен бран од север ќе има повремени послаби врнежи од дожд, додека на околните планини, а потоа и во повисоките предели од котлината ќе има слаби врнежи од снег. Повремено ќе засилува ветерот од северен правец.

Минималните утрински температури до среда ќе се искачуваат во интервалот од -4 до 3/4 степени, додека максималните дневни температури ќе се искачуваат во интервалот од 0 до 7 степени. Во Скопје температурата ќе се искачува до околу 5 степени.