Следните десетина денови без дожд – “Мини лето” Идеално за правење на зимница!

објавено на:

30 Сеп 2023

од:

сподели:

Под влијание на стабилна и сува воздушна маса, во следните десeтина денови времето во Македонија ќе биде стабилно, суво и сончево со мала до умерена локална облачност.  Најпрвин ќе дува умерен, повремено засилен ветер од северен правец, а потоа ветерот ќе ја намали својата брзина, и ќе биде од променлив правец.

Пред нас е доста долг период на сушно време и на “Мини лето”, но со свежи ноќи и утра кога минималните температури на воздухот ќе се спуштаат во интервалот од 6 до 15 степени, а во почетокот од следната седмица утрата ќе бидат уште посвежи и температурите тогаш ќе се спуштаат во интервалот од 3 до 12 степени.

Сепак преку денот максималните дневни температури ќе бидат пријатни и околу просекот за овој период од годината, и ќе се искачуваат во интервалот од 22 до 28 степени.

Во Скопје и околината ќе имаме долг период на стабилно, суво и сончево време со мала до умерена локална облачност. Најпрвин ќе дува умерен до засилен ветер од северен правец, а потоа ветерот ќе ја намали својата брзина. Наутро температурата ќе се спушта во интервалот помеѓу 9 и 12 степени, а максималната дневна температура ќе се искачува во интервалот помеѓу 25 и 27 степени.

Ова прекрасно време максимално искористете го за уживање, или пак за правње на зимница.

 

 

  • За нови, детални и по потреба обновени метео информации, следете го официјалниот фејсбук профил на Славчо Попоски тука!
  • Можете да ме следете и на инстаграм slavchopoposki!

За нови или обновени метео информации, следи ме на социјалните медиуми.За нови или обновени метео информации, следи ме на социјалните медиуми.