Почнувајќи од понеделник 3 февруари, па во текот на целата наредна седмица и тоа според најновите вечерашни ажурирања на прогностичките материјали, ни следува многу ладен период, односно територијата на нашата Република Македонија ќе биде зафатена од многу ладен бран од истокот  и од североистокот на Европа.

Сепак, се работи за претежно сув  студ, со услови за сосема слабо провејување на снег, и тоа од локален карактер околу 6/7 февруари.

Сето ова ќе биде проследено со повремено засилен ветер од северен и од североисточен правец.

Денес (петок 31 јануари) следува и анализа околу тоа колку ќе изнесуваат температурите за време на овој нов многу ладен период, и колку во минус ќе одат истите.

Инаку денес и утре (31  јануари и 1 февруари) уживајте во многу посончевото време, а ќе биде  и натпросечно топло со температури кои ќе се искачуваат во интервалот од 9 до 17 степени, а во југоисточните предели тие можно е да се искачат  и до околу 20 степени. Во Скопје температурата ќе се искачу до околу 16 степени.

Пред надоаѓање на ладниот бран, во недела на 2 февруари ќе има поголема облачност кај нас и ќе има појава на повремен локален дожд, а на високите планини (над 1700/1800 метри надморска височина) ќе има послаби врнежи од дожд и од снег, или влажен снег.