На ден 30 Декември (Вторник) како и во текот на ноќта кон среда 31 Декември во Македонија повторно ќе дува засилен, повремено силен ветер од северен правец кој повремено и локално ќе достигнува брзина од над 60 км/час. Ќе има  и локално зголемување на облачноста за време на овој период  и локално ќе провејува слаб снег.

И во Скопје и околината за време на овој период ќе дува засилен, повремено силен ветер од северен правец кој во делови од котлината повремено ќе достигнува брзина од над 60 км/час.

Сето ова ќе придонесе за дополнителен продор на многу ладен воздух од север во Македонија.

Малку повисоки температури преку ден и тоа на кратко ќе имаме утре (вторник 30 декември) кога тие ќе се искачуваат во интервалот од 3 до 11 степени, меѓутоа попладнето и вечерта повторно нагло ќе залади.

Во среда наутро температурите насекаде ќе бидат под нулата  и тие ќе се спуштаат во интервалот од -11 до -3 степени а на повисоките населени и планинските места температурите може да се спуштат  и уште пониско. Максималните дневни температури пак во среда на 31 декември ќе бидат многу ниски и ќе се искачуваат во интервалот од -4 до 4 степени. Во Скопје  и околината температурата во среда наутро ќе се спушти до околу -4/-5 степени а преку денот на 31 декември таа ќе се искачи до околу 1 степен.