Денес (четврток 1 мај) времето во нашата Република Македонија ќе биде сончево и топло со рано – летни температури на воздухот. Во попладневните часови ќе има појава на умерена локална облачност, а можна е  и краткотрајна појава на локален дожд со ретки грмежи.

Ќе дува умерен, повремено засилен ветер од северен и од североисточен правец.

Што се однесува до температурите, тие насекаде кај нас ќе надминуваат 20 степени, додека во Повардарието тие ќе се искачат  и до околу 30 степени, секако, вклучувајќи го и Скопскиот регион.

Ви посакувам каде и да сте, со кој и да сте, преубав помин за време на денешниот празник, и искористете го претежно стабилното и сончево време, со сосема мали исклучоци за правење скара на отворено и за уживање во природа.