ПОВЕЌЕ СОНЦЕ ПРЕТПЛАДНЕ – НЕСТАБИЛНО ПОПЛАДНЕ, А ВО ПОЧЕТОКОТ ОД СЛЕДНАТА СЕДМИЦА И МОЖНОСТ ЗА НЕВРЕМЕ!

До крајот на оваа недела во претпладневнит часови во Македонија ќе има повеќе сончеви периоди, додека од пладневните часови времето ќе биде променливо облачно и со појава на локален краткотраен дожд и ретки грмежи.  Ќе дува и слаб до умерен ветер претежно од северен правец.

Во Скопје исто така во претпладневните часови ќе има повеќе сончеви периоди а ќе дува и слаб до умерен ветер од северен правец. Од пладневните часови времето ќе биде малку пооблачно и ќе има услови за локална појава на краткотраен дожд.

Температурите и во следните денови ќе бидат ПРОЛЕТНИ и ќе се искачуваат во интервалот помеѓу 15 23, 24 степени.

На почетокот од следната седмица пак и тоа под влијание на влажна и нестабилна воздушна маса, на повеќе места низ Македонија ќе биде нестабилно со пороен дожд, грмежи и засилен ветер. Локално процесите ќе бидат застапени во форма на НЕВРЕМЕ, проследено со пообилен пороен дожд, силен ветер, електрични празнења и со услови за појава на суградица и на град.

Сепак и покрај ова температурите остануваат ПРОЛЕТНИ.

 

 

  • За нови, детални и по потреба обновени метео информации, следете го официјалниот фејсбук профил на Славчо Попоски тука!
  • Можете да ме следете и на инстаграм slavchopoposki!