Почнувајќи од среда (19 февруари) па се до крајот на седмицата ќе бидеме под влијание на многу ладен Руски бран и истиот ќе условува исклучително ладно и претежно ведро време, што значи дека ладниот воздух ќе биде проследен со суво време и без врнежи од снег.

Наутро температурите насекаде ќе се спуштаат под нулата  и ќе има појава на силен мраз, а на повеќе места тие ќе се спуштаат до близу, локално и под -10 степени, додека особено во Беровскиот регион, повисоките населени и планински места, секако и на Скијачките центри температурата ќе се спушти и до -15 степени.

Максималните дневни температури пак за време на овој многу ладен Руски бран ќе се искачуваат во интервалот од -2 до 7 степени.

Во Скопскиот регион наутро температурите за време на овој ладен Руски бран ќе се спуштаат до околу -7/-8 степени, додека максималната температура на воздухот ќе се искачува до околу 4/5 степени.

Да напоменам дека за време на овој многу ладен бран, наутро температурите локално не се исклучува можноста да се спуштат дури и под -15 степени.