Како што и долго време најавуваме од денес започнува дестабилизација на Атмосферата и влегуваме во многу нестабилен период со чести врнежи и грмежи, и тоа поради влијанието на циклон од западна Европа.

Денес, од пладневните часови се очекува локална појава на пороен дожд, грмежи и засилен ветер. Не се исклучува можноста  и за ретка појава на град, па така доколку планирате скара во природа, тоа најдобро да го направите во текот на претпладневните часови.

Што се однесува до температурите, тие денес ќе се искачуваат во интервалот од 20 до 27 степени.

Во Скопје и околината очекуваме слично време, што значи дека од пладневните часови се очекуваат локален пороен дожд, услови за ретки грмежи, како и со засилување на ветерот. Температурата денес во Скопје ќе се искачи до околу 25-26 степени.