Метеопатите овие денови да бидат крајно внимателни и да внимаваат на своето здравје, зошто? Огромна е разликата помеѓу најниските утрински и највисоките дневни температури на воздухот, со што Биометеоролошките услови се крајно неповолни, па така метеопатите овие денови може да чувствуваат поголеми здравствени проблеми, со што, мој совет е да се консултираат со својот матичен лекар за совет.

Овие денови имаме разлика меѓу најниските утрински и максималните дневни температури и тоа дури и за повеќе од 20 степени, што е премногу.

Тоа значи наутро температурите се околу или за некој степен под нулата, а преку ден тие се искачуваат до околу, па  и над 20 степени, а како што претходно во моите метео објави  , информирав дека во текот на вчерашниот ден (сабота  8 март) на Скопје Петровец беа измерени дури рано – летни 27 степени.

Сето ова е поради невообичаено топлата воздушна маса за овој период од годината, и истата продира од југ кон нашиот дел од Европскиот Континент.