Почитувани наши, атмосферата попладнево во Македонија значително се дестабилизираше и тоа поради влијанието на циклонската активност која е со центар над Средоземјето. Во поголем дел од државава попладнево беше нестабилно облачно со локална појава на пороен дожд, грмежи, засилен ветер и локална појава на силно невреме.

Појава на невреме со силен град имаше во Пелагониско, како и во Беровско, а појава на невреме со обилен пороен дожд, електрични празнења, силен ветер  и со појава на град имаше  и на други места низ државава.

Нестабилност вечерва  и околу полноќ очекуваме во источните  и во североисточните предели од државава, проследена со локална појава на пороен дожд, грмежи, засилен ветер  и услови за појава на невреме со силен ветер и со појава на град. И во делови од Скопската котлина можна е појава на пороен дожд, грмежи, силен ветер и со услови за појава на град.

Апелираме на голема нестабилност во случај на појава на невреме и на силни електрични празнења, односно да не се претстојува на отворен простор  и под осамени дрвја. Исто така во случај на појава на силен и крупен град автомобилите да се заштитат.

Нестабилното време со чести врнежи, грмежи и со појава на невреме ќе продолжи и во следните денови, но температурите до самиот крај од овој месец остануваат високи.

На следниот линк можете да ја следите алатката за рано предупредување од невреме во вашето место “НОТАС” https://nothas.finki.ukim.mk/46.5740/36.1670